O eixe de "agricultura ecolóxica" do Plan Integral está dispoñible para tódolos mozos, desempregados, emprendedores, agricultores, estudantes, etc. da provincia de Lugo (agás os censados no concello de Lugo), interesados en aproveitar unha oportunidade de futuro.

Se estás interesado na agricultura ecolóxica, en crear a túa propia empresa, en diversificar a túa produción actual, etc. tes que aproveitar esta oportunidade:

• Informarémoste das posibilidades que che ofrece Lugo, especialmente a túa zona ou bisbarra, mediante a celebración de xornadas e talleres.
• Poderás coñecer de primeira man outras iniciativas exitosas sobre agricultura ecolóxica.
• Poderás formarte con cursos de iniciación e perfeccionamento de AE de niveis principiante e avanzado de 150 h. de duración (na modalidade que máis se adapte a ti: presencial, a distancia e online).
• Asesorarémoste na creación e/ou diversificación da túa empresa: trámites administrativos, asesoramento xurídico e laboral, plans de negocio, viabilidade da empresa, etc.

(É requisito indispensable para a participación nas actividades do Plan Integral agrícola, que o destinatario participe en cada unha das fases do plan: sensibilización, formación e asesoramento ou saída ao mercado).