O "Plan Integral para o desenvolvemento sostible do sector agrícola, gandeiro e agroforestal" establecido no marco do proxecto LugO2 Provincial, pon a túa disposición unha serie de cursos de formación para potenciar a agricultura ecolóxica na provincia.

Tódolos cursos de formación están formados por dúas partes:

Parte I: accións formativas con clases teóricas e prácticas

• Dous niveis de formación para cada un dos cursos: principiante e avanzado.
• Flexibilidade de horarios como a posibilidade de elixir o tipo de formación que mellor se adapte ás súas necesidades persoais: presencial, mixta e a distancia (con asistencia de titorías nos últimos dous casos).
• Formación técnica complementada con clases prácticas.
• Con material didáctico para o seguimento da ensinanza.

Parte II: proba piloto dun caso práctico de produción integral que recree o entorno ideal para desenvolver prácticas profesionais.

Cursos dispoñibles:

Curso de agricultura ecolóxica xeral

Perséguese a formación das persoas interesadas na produción agraria ecolóxica e o fomento de empregos ambientalmente sostibles, posibilitando o aumento das oportunidades laborais capaces de sosterse no futuro, de maneira que o alumno coñeza os conceptos e prácticas máis importantes nos que se basea a agricultura ecolóxica.

Preténdese formar o alumno en todos aqueles conceptos teóricos e prácticos para realizar as operacións de manexo, mantemento, produción e recolección de cultivos nunha explotación agrícola ecolóxica, aplicando criterios de calidade, sustentabilidade e rendibilidade, cumprindo coa lexislación vixente de agricultura ecolóxica, de control de calidade e de prevención de riscos laborais vixentes.

Descarga aqui o programa

Curso de castañicultura

O curso de castañicultura pretende dar resposta ás necesidades dun sector que conta cunha implantación xa numerosa de produtores ecolóxicos de castaña en Lugo (71 produtores), pero que ao mesmo tempo soamente son unha pequena parte dos existentes na provincia. O curso está destinado a todos eles e aos que queiran iniciarse na produción de castaña ecolóxica.

Descarga aqui o programa

Curso de fruticultura

Tendo en conta que despois da castaña, a mazá é o produto ecolóxico con maior presenza na provincia de Lugo, elaborouse este curso destinado a todos aqueles que queiran especializarse na produción frutícola ecolóxica, sexa cal sexa o froito.

Descarga aqui o programa

Curso de horticultura

Este curso programouse debido a ampla distribución territorial dos cultivos de horta en calquera punto da provincia e da tradicional cultura do agricultor galego de producir alimentos “naturais” para o consumo propio. Por elo, pretende contribuír a fortalecer outras iniciativas desenvolvidas pola Diputación Provincial de Lugo para potenciar os produtos lucenses de calidade.

Descarga aqui o programa

Curso de vitivinicultura

Este curso pretende satisfacer a innovación que se poida producir no mercado vitivinícola coa entrada en vigor da nova normativa comunitaria en agosto de 2012, normativa que regula a elaboración do viño ecolóxico. A oportunidade que presenta o curso é de ter en conta, especialmente polos viticultores do sur da provincia de Lugo.

 Descarga aqui o programa

Características da formación

Dous niveis de formación: os cursos están dispoñibles atendendo a varios niveis de formación adaptados ao alumnos.

• Principiante: 150 horas (teoría e práctica) + 15 horas (experiencia piloto).
• Avanzado: 250 horas (teoría e práctica) + 25 horas (experiencia piloto).

Tres modalidades de formación: poderás escoller a opción que máis se adapte ás túas necesidades ofrecéndoche cursos presenciais, a distancia ou mixtos (con parte presencial e parte a distancia a través da plataforma de teleformación www.formacion.planintegralagricola.info).

Grupos reducidos de 15 a 25 persoas por curso.
Servizo de titorías personalizado.